Teşne-i bahr-i muhît olan dile reş neylesin

Teşne-i bahr-i muhît olan dile reş neylesin

Tûti-i sükker feşân üftâdeye keş neylesin

Cür'a-i sahbâ-yı zâtı nûş edip temkin bulan

Âfitâb olan gönül telvîni meh-veş neylesin

Ârifin esrârı settâr olduğın etme aceb

Ta'n eder zâhid denilen dîv ü ser-keş neylesin

Âdem'in vechinde Hakk'ı görmedi İblîs la'în

Sûretâ gördüğü bir şekl-i münakkaş neylesin

Cân Niyâzî ehl-i aşka nâzikâne va'z eder

Ehl-i nefs olan işitmez dil müşevveş neylesin