Sırr-ı Hakk'ı nicesi fâş eyleyim ben ey sikât

K'anı ancak remz ile etmiş beyân ehl-i nikât

Her ne denlü âşikâr etsem hafâsın artdırır

Ol ayân iken anı örter delâ'il beyyinât

Anı tevhîd eylemez illâ ki şirk ehli eder

Vahdet-i Hakk'ı duyanın dili lâldir aklı mât

Her ne kim fevka-l'ulâ tahte's-serâda var durur

Zâtı vâhiddir veli göründü nice bin sıfât

Zâtı birdir lîk evsâfına gâyet yok durur

Gör bu fânusu ki anın şem'i oldu nûr-ı zât

Zâhir ü bâtın kamusu bir fenerdir gayrı yok

Şem'i insân oldu fânûsu cemî'-i mümkinât

Ey Niyâzî âdem oldu çün cihânın şu'lesi

Bahş olur âdem deminden âleme rûhu'l-hayât

Son Yazılar