Sırr ilinde sevdügüm yâ Rab hayâliñdür senüñ

Sırr ilinde sevdügüm yâ Rab ḫayâliñdür senüñ

İlm-i sırdan irdügüm yâ Rab viṣâliñdür senüñ

Nesl-i Âzer yapduġı putḫâneden eyler güzer

Secdegâhı canımıñ yâ Rab cemâliñdür senüñ

Ẕikr-i ẕâtıñ feyżidür cân mülküne âb-ı revân

Ḳalbimi ṭâhir ḳılan yâ Rab zülâliñdür senüñ

Cümle maḫlûḳât içinde gizli yer yoḳ gözlüye

Ḳanda baḳsam gördügüm yâ Rab kemâliñdür senüñ

Dir Sinân Ümmî saña her kim ki vaḥdet buldısa

Aşḳ elinden ṣunduġuñ yâ Rab nevâliñdür senüñ