Sıdk ile girdinse yola ey şücâ

Sıdk ile girdinse yola ey şücâ

Bir kati gerekli söz var kıl semâ

Cümleden evvel sana lâzım olan

Cümle yârânınla eylegil vedâ

Mâl u mülk ü kavm ü ihvânın dahi

Terk et anları sana verir sudâ

Bir gönül kalır arada anı da

Şeyhe tapşur ana eyle ittibâ

Böyle etsen bil hakîkat sırrına

Az zamânda hâsıl olur ıttılâ

Cism ü cânın dahi kurbân edegör

Ger kabûl olursa buldun irtifâ

Sırr-ı tevhîdin Niyâzî hâsılı

Hakk ile ortada kalmaya nizâ