Söz cihân içre ne gülşen ne gül-istân almada

İş hemân âgûşa bir serv-i hırâmân almada

Laʿl-i yâr ağzında ammâ vâpesin olmuş nefes

Âşık-ı bîmârı gördüm cân verüp cân almada

Gamze-i cellâdın etdi âşıkın kârın tamâm

Ey şeh-i bîdâd hattın dahı fermân almada

Vâye-bahş-ı bî-kesân olmağa el vermez hemân

Ey felek çâlâkdır destin girîbân almada

Şerbet-i laʿlindeki hâsiyyeti bilmem ve lîk

Nîşter gamzen aceb üstâd imiş kan almada

Arsa-i maʿnâda el-hak yekke-tâz oldun Nedîm

Esb-i tabʿ-ı çâpükün gitdikçe meydân almada

Son Yazılar