Sînemde benüm câna deger dâglarum var

Sînemde benüm câna deger dâglarum var

Ölsem de ne gam dîde gibi aglarum var

Pâyân mı var mîve-i derdün dil ü cânda

Vaktüm kati hoş hâsılı çok bâglarum var

Sahrâ-yı selâmet eger olmazsa müyesser

Kûhsâr-ı gam u derd gibi taglarum var

Mahbûblarun cennet-i kûyın koyabilmem

Vâ`iz uyamam sana benüm bâglarum var

Yahyâ sularum şâm u seher gülşen-ı derdi

Çaglar gice gündüz akar ırmaglarum var