Sînede bir lahza ârâm eyle gel cânım gibi

Sînede bir lahza ârâm eyle gel cânım gibi

Geçme ey rûh-ı revân ömr-i şitâbânım gibi

Perde-dâr anlardım el-hak goncayı gördüm seher

Ol dahı leb-rîz-i çâk olmuş girîbânım gibi

Reşk-i Çin olmakda fikrim gelmedi taʿbîre lîk

Vasfı ol gîsûların hâb-ı perîşânım gibi

Geçmem ol gülden gül-âb almazdan evvel mûyunun

Her biri inbîk-i zehr-âb olsa müjgânım gibi

Cüst ü cû etdim yine cânâ Nedîmâ bendene

Bir efendi bulmadım devletlü sultânım gibi