Sunaldan sâkî-i mihnet bana peymâne-i aşkun

Sunaldan sâkî-i mihnet bana peymâne-i aşkun

Benüm ol rûz u şeb medhûş olan mestâne-i aşkun

Şarâb-ı pendi gûş itmez ümîd-i akl u hûş itmez

Esîr-i zülf-i müşgînün olan dîvâne-i aşkun

Zarar virmez ana seyl-i sirişk-i âşık-ı şeydâ

Esâsı seng-i gamla muhkem olmuş hâne-i aşkun

Benüm ol câm-ı la`l u gûşe-i ebrû hayâliyle

Mukîm-i künc-i derdün sâkin-i mey-hâne-i aşkun

Cefâ taşıyla yıkmışdun dil-i Yahyâ'yı sultânum

Dahı âbâd olunmaz mı `aceb vîrâne-i aşkun