Su verenler nâz ile ol gülbün-i nâzendeye

Su verenler nâz ile ol gülbün-i nâzendeye

Âteş etmişdir niyâzı bülbül-i şermendeye

Düşme cânâ dillere sırr-ı dehânın fâş edüp

Gonca-yı laʿlin açılmasın gül-handeye

Hayf kim taksîm-i derd ettikde kassâm-ı kazâ

Tîr-i gamzen düşdü sehm-i âşık-ı efkendeye

Akıbet rifʿat verir aşk-ı cüvân-ı dil-nevâz

Şâhlıkdır hidmet-i sultân-ı âdil bendeye

Böyle âteş lehçe lâzımdır sühan tâ kim Nedîm

Germ-sâz-ı nağme-i tahsîn ola hânendeye