Sormadın gam-hâneyi cânâ garaz gelmek midür

Sormadın gam-hâneyi cânâ garaz gelmek midür

Va`de-i lutf eylemiş dirler seni gerçek midür

Rûy-ı yâre çeşm-i âşıkdan irişmiş zahm mı

Al âbâdî varak üzre yâ cây-ı hak mıdur

Seng ü âhenden geçer âhum sana itmez eser

Kalbün ey nâzük-beden taşdan demirden pek midür

Sanma tenhâ künc-i halvetde dil-i bî-çâreyi

Senden ayru sîneden bir an gamun münfek midür

Ol tabîb-i cân u dil el çekdi ben bîmârdan

Yok mıdur Yahyâ devâsı derdümün çekmek midür