Siyeh-mağz-ı cünûnum hülyâ-yı hâl-i dil-berden

N'ola zencîrim olsa halka-yı mıkrâz-ı berberden

Olup hem-vâre fikr-i kâkülünle çille ber-gerden

Geçer şeyh-i kalâşet-pîşe ayyârâne çenberden

Siyeh-mestân-ı sahbâ-yı fenânın bezmgâhında

Nümâyândır sevâd-ı mûy-ı çînî hatt-ı sâgardan

Olur mu muztarib deryâ-dilan mevc-i havâdisle

Zarar gelmez ruh-ı deryâya sîlî-i şinâverden

Edâ pâk olsa da mâniʿ yakışmaz rûşen olmazsa

Görünmez reng-i rûy-ı duhter-i rez sâgar-ı zerden

Kalır nâ-puhte zâhid düşse bin yıl âteş-i aşka

Zuhûr eyler mi hiç hâsiyyet-i âteş semenderden

Nedîmâ kendi âyîne tutarken dâ'imâ elde

Acebdir çarh geçmez şîve-i nâdir-berâberden

Son Yazılar