Sirişk katreleri gâhî la`l-i ter görinür

Sirişk katreleri gâhî la`l-i ter görinür

Metâ-ı hurde-furûş içrede neler görinür

Harîm-i kûyuna vardukça seng-i rîzeleri

Gözime her biri bir kıymetî güher görinür

O la`l-i terde safâ şöyledür ki bakdıkça

Adem diyârına yüz şevk ile sefer görinür

Hayâl-i nokta-i hâlünle gelse kûyundan

Adû-yı gec-nazara ol sefer sakar görinür

Hamîde kâmetüme bir bakar yok ey Yahyâ

Felek beni şu hilâl itdi kim seher görinür