Seyr-i gülşende ne hâsıl bile yâr olmayıcak

Seyr-i gülşende ne hâsıl bile yâr olmayıcak

Şâh-ı gülden ne biter tâze bahâr olmayıcak

Savt-ı mürgân-ı çemen ‘ âlemi tutdı gerçi

Mutrıbâ n’eyleyelüm nakş-ı nigâr olmayıcak

Menzilin bâg-ı bihişt eyleseñ itmez ârâm

Cânda sabr u dil-i şeydâda karâr olmayıcak

Her gazâluñ tek ü pü itmede ardınca göñül

Şâhlar eglenemez sayd u şikâr olmayıcak

Bâkıyâ şâhid-i maksûd olur çihre-nümâ

Sâf u pâk âyine-i dilde gubâr olmayıcak