Ser-sebz kadüne didiler serv-i revândur

Ser-sebz kadüne didiler serv-i revândur

Dâyim bu hayâl-ile gözi cû-yı revândur

Dirler baña kim agzı ne gûherdür eyitgil

Kime diyem ol râzı ki cân bigi nihândur

Göñlümi gözüñ aldı vü dahı ider âşûb

Cân mı diler uş ol dahı hem aña revândur

Yüzüñ nicesi itdi tecellî gözüme kim

Yüzi üstine düşdi dahı aña nigerândur

Her lahzada biñ zahm urur cânuma gamzeñ

Hod Türk-i Hıtânuñ işi tîr-ile kemândur

Serkeş-durur u dac vi-yi hem-serlik idiben

Saçuñ kadüñe irdüg-içün pây-keşândur

Sor niçün içer Ahmedînüñ kanını gamzeñ

Çün andan aña assı yog u bu ne ziyândur