Ser-i zülfünde figan eylemek âyin oldı
- Enes
- 4 Ara 2019
- 1 dakikada okunur
Ser-i zülfünde figan eylemek âyin oldı
Nâle-i dil ceres-i kâfile-i Çin oldı
Âb-ı hayvândan iki cedvel olup efsürde
Şûh-ı sîmin-tenime sâk-ı bilûrîn oldı
Ukde-i hâtırı biz halle şitâb etdikce
O büt-i ser-keşin ebrûları pür-çîn oldı
Safvet-i tabʿımız artırdı gurûr-ı hüsnün
Mest-i nâzım bakup âyîneye hod-bîn oldı
Sûz-ı aşk olmadı derdime devâ hayf Nedîm
Baht-ı hâbîdeye dâğım gül-i bâlîn oldı
Comments