Ser-i kûyuñ sanemâ cennet-i a’lâ bilürin

Ser-i kûyuñ sanemâ cennet-i a’ lâ bilürin

Müntehâ kâmetüñi Sidre vü Tûbâ bilürin

Seni Yûsufla güzellikde sorarlarsa baña

Yûsufı bilmezin ammâ seni ra’ nâ bilürin

Zâ’ il olmaz heves-i zülf-i siyâhım dilden

Hâsıl olmayacagın gerçi bu sevdâ bilürin

Bilmezin n’eyleye derd ü gam-ı cânâne baña

Ne müdârâya meded var ne müdâvâ bilürin

Bâkıyâ gülşen-i fırdevsi baña ‘arz itme

Asitânın ben anuñ menzil ü me’vâ bilürin