Seni hüsn ile gâyet bînazîr ü bîbedel derler

Ne derlerse senin hakkında sultânım güzel derler

Vefânı mutlak ağyâra münâsibtir demez kimse

Velî cevr ü cefânı âşık-ı zâre mahal derler

Bize pend ile vâizler kesel verdikleri yetmez

Kesel def’ini ko câm-ı safâdan hem kes el derler

Hüner addeyleyip cânâ acepdir âlemin hâli

Leîme mugtenem derler kerîme muhtezel derler

Gazelde kuvvet-i tabın bilindi elhak ey Nefî

Ne bu vâdîde söz mümkün ne bir böyle gazel derler

Nef'î

Son Yazılar