Sen karîn-i şem`-i meclis ben habîbümden ırak

Sen karîn-i şem`-i meclis ben habîbümden ırak

Bir midür pervâne-sûz-ı vasl ile sûz-ı firâk

Ka`betü'l-uşşâk kûyına irişdürse Hudâ

Döne döne eylesem ol şâha arz-ı iştiyâk

Dest-i ihsânunla zulmânî hicâbı ref` kıl

Tâ kim ol dergâha varam alnum açık yüzüm ak

Her makâmun bir makâli var Hicâz'ı an bana

Eylemez kûyın koyup uşşâk âheng-i ırak

Kalmasun Yahyâ ten-i fersûdede yoldaşdan

Kûy-ı yâre gitmege cân ü dil itmiş ittifâk