Sen de bir vakt ola nûş-ı mey-i nâb eyleyesin

Sen de bir vakt ola nûş-ı mey-i nâb eyleyesin

Gülesin açılasın refʿ-i hicâb eyleyesin

Dest-i cevrinden olan çâki alup sînemden

Bir zamân zîver-i dâmân-ı nikâb eyleyesin

Meded ey âh-ı sehergeh sana kim dedi varup

Böyle ol âfeti ser-germ-i itâb eyleyesin

Deheninden ki gönül eyledi bir bûse recâ

Sana lâyık mı ki yok deyü cevâb eyleyesin

Ey sabâ lutf edüp esnâ-yı tekellümde ona

Ey Nedîm ağladıcı deyü hitâb eyleyesin