Sanma iklîm-i tene hâkim olan cânumdur

Sanma iklîm-i tene hâkim olan cânumdur

Sînede tîr-i gam-ı gamze-i cânânumdur

Hâb-ı gafletde yatur baht-ı siyâhum ammâ

Giceler ‘ âlemi bî-dâr iden efgânumdur

Görinen encüm-i eflâk degüldür ey meh

Dûd-ı âh-ı şerer-âlûd-ı dil ü cânumdur

Ney-şeker vasf-ı lebüñ yazdugum işitdi meger

Ki kemer-beste-i kilk-i şeker-efşânumdur

Zâhirâ gerçi gedâ-sûretem ammâ Bâkî

Mahzen-i genc-i ma’ ânî dil-i vîrânumdur