Sahbâ yerine zehrkeşân-ı gam-ı aşkız

Sahbâ yerine zehrkeşân-ı gam-ı aşkız

Reşk etme bizim câmımıza biz Cem-i aşkız

Bir zevk olmuş hikmet-i Hakk meşrebimizde

Ki mest-i gam ârâm-ı dil-i hurrem-i aşkız

Çok mu bu kadar feyz bize ehl-i diliz hem

Perverde-i rindân-ı Mesîhâ dem-i aşkız

Nâz eyleyemez hîç bize gamze-i dilber

Biz rind-i melâmetzede-i âlem-i aşkız

Bir gamzeye bin nâz ederiz istesek ammâ

Kîrat ile makûl bilir sersem-i aşkız

Dursak ne acep ger saf-ı müjgâna mukâbil

Başka başına her birimiz Rüstem-i aşkız

Olsa sözümüzde nola tesîr-i cibillî

Nefî gibi bîgâne değil mahrem-i aşkız