Sabûn-ı meyle gerd-i keder dilde pâk olur

Çirkâbı dahı lây-şûy-ı vehmnâk olur

Olmakda hârı hem-ser-i ağyâr ol mehe

Bu imtinân ile gül-i ter sîne-çâk olur

Bast-ı sımat ederse dahı mîzbân-ı çarh

Âşık nemek-çeşîde-i hân-ı helâk olur

Yârân aceb mi beste-i nâz-ı hulûs ile

Dürhâ-yı nâb rîşte-keş-i insilâk olur

Mahsûd-ı sâgar olsa n'ola reng ü tâbişi

Gül-gonca reşk-i laʿlin ile sîne-çâk olur

Sahbâ-keşâna mâye-dih-i şevk imiş Nedîm

Engûr-i mey ki ser-zede-i tarfnâk olur

Nedîm

Son Yazılar