Sabâ çevgân edince turra-i pertâb-ı dildârı

Gelip âşıkların bir yere top oldu dil-i zârı

Döküldü sîneden peykân-ı yâr u penbe-i dâğım

Dıraht-ı huşke döndüm hâke düşmüş berg ile bârı

Geçer bir tîri bin dilden bulaşmaz kana peykânı

Ne sihr eyler kemânkeşlikte gör ol çeşm-i hûnhârı

Anın cismi bunun cânı yanar bundan kıyâs eyle

Nice benzer esîr-i dûzehe hicrân giriftârı

Edâsı âb içinde yer yer âteşpâre mazmûnlar

Acep mi etse Nefî nazm ile davâ-yı sehhârı

Son Yazılar