Rüstem-i ehl-i dilim aşk kemânım çekemez

Pâdişâh-ı sühenim fitne nişânım çekemez

Âfitâb olsa eğer kevkeb-i câh ile hasûd

Kîn-i şemşîr-i cihângîr zebânım çekemez

Mest-i meyhâne-i feyzim yine rindân-ı cihân

İttifâk etse biri rıtl-ı girânım çekemez

Bana bir dilber-i şûh olsa hemen hâzırvakt

İntizârı dil-i fettân-ı cihânım çekemez

Dil-i dilberden anınçün sakınır endîşe

Gam-ı aşkı bilir ol âfet-i cânım çekemez

Bileli kendimi ben gönlümü âşık buldum

Bâr-ı gayrî ten-i bîtâb ü tüvânım çekemez

Nefî’yim kimse benim gibi şetâret edemez

Hîç bir kimse dahi derd-i nihânım çekemez

Son Yazılar