Rûşen gerekse hâne-i dil ‘aks-i yârdan

Rûşen gerekse hâne-i dil ‘ aks-i yârdan

Âyîne gibi sîneñi sâf it gubârdan

Devr-i piyâle devlet-i Cemden haber virür

Her bir habâbı remz ile bir tâcdârdan

Ayş u safâ-yı ‘ ahd-i Cem ü devr-i câmı gör

Bahs itme rezm-i Rüstem ü İsfendiyârdan

Şol hoş haber ki andan ire bûy-ı vasl-ı yâr

Yigdür dimâg-ı ‘ âşıka bâd-ı bahârdan

Bâkî yitişdi gözlerüñ aydın nesîm-i subh

Hâk-i cenâb-ı sâye-i Perverdgârdan