Rumûz-ı enbiyâyı vâkıf-ı esrâr olandan sor

Ene'l-Hak sırrını cândan geçip berdâr olandan sor

Yürü var ehl-i tecride alâ'ik ehline sorma

Onu cân u cihânı terk eden deyyâr olandan sor

Gahî kahr gahî lutfun kemâlin bilmek istersen

Fenâ-ender-fenâda yok olup hem var olandan sor

Dilâ bu Mantuku't-Tayr'ı fesâhat ehli anlamaz

Anı ancak ya Attâr u veyâ Tayyâr olandan sor

Anadan doğma a'mâlar kemâhî görmez eşyâyı

Niyâzî vech-i dildârı ''ulu'l-ebsâr'' olandan sor

Son Yazılar