Revnak-ı hüsnün degül mi anberîn gîsû senün

Revnak-ı hüsnün degül mi anberîn gîsû senün

Görme bir anunla tekdür sünbül-i hoş-bû senün

Gerçi bir kerre dönüp bakmaz gurûr-ı hüsn ile

Anlamaz mı kasdunı ammâ ki ol âhû senün

Bir nigâhunla ne var teskîn-i âşûb eylesen

Fitne hod yanunda yatar kalkar ey meh-rû senün

Şâd imişsün dâhil-i bezm-i visâl oldum diyü

Bir hayâlündür meger dîvâne gönlüm o senün

Tuydı yârün nergis-i fettânına meftûnlıgun

Düşmez ey Yahyâ elinden tîg ü hançer sûsenün