Rehberim mürşid-i kâmildür ne ġam aġyârdan

Rehberim mürşid-i kâmildür ne ġam aġyârdan

Ḥaḳ didüm nâ-ḥaḳ diyüben dönmezem iḳrârdan

Var varın ḳılsun teberrük diyüben remz eylemiş

Hiç dirîġ olsun mı cân baş virmege dildârdan

Aḳl u cândan ġayrı evvel nesi var ‘âşıḳlarıñ

Anı daḫı dôsta virmek yeg degül mi vardan

Kimdür ol meydân-ı ‘aşḳa cân virüp baş oynayan

Nice ḳılur daviyi ol geçmeyen zünnârdan

Ṭuymayan innî ene’llâhdan ene’l-ḥaḳdan ḫaber

Yer mi ol mirâṯ bugün ḥablü’l-metîn-i dârdan

Söylemek lâzım degüldür gerçi ‘irfân ehline

İllâ bu sır ḳısmet olmuşdur ezel bâzârdan

Gel ferâġat ḥırḳasın gey eyleme kimseye daḳ

Ey Sinân Ümmî geçe gör da‘vî-i esrârdan