Pürsafâ dâim dili bir şûh hemdemdir kadeh

Pürsafâ dâim dili bir şûh hemdemdir kadeh

Tâ ezelden meclis-i rindâna mahremdir kadeh

Bezm-i bâğâ bir sebû-yı pür mey ise gonca ger

Bâğ-ı bezme bir gül-i şâdâb u hurremdir kadeh

Bir tutarsa pâdişâh ile gedâyı mey nola

Hem sifâl-ı meygede hem tâc-ı Edhem’dir kadeh

Gösterir dünyâyı mirât-ı habâbında tamâm

Kendi başka başına bir özge âlemdir kadeh

Nola pür şevk etse dünyâyı dil-i Nefî gibi

Rûzgâra yâdigâr-ı meclis-i Cem’dir kadeh

Nef'î