Pîrâhenün kocar seni âdem helâk olur

Pîrâhenün kocar seni âdem helâk olur

Cevrün eliyle bir gün olur ol da çâk olur

Ey cân tabîbi haste-i aşkun revâ mıdur

Dermân ümîdin eyler iken derdnâk olur

Akil cihândan el yusa ey dil aceb midür

Alâyiş-i zamâneden ol vakt pâk olur

Çeşm-i hasûda girmemege çâre var mıdur

Ol kim göze tokunmıyayın diyü hâk olur

Dönmez ölünce râh-ı hatarnâk-ı aşkdan

Yahyâ gibi şu kimse ki bî-vehm ü bâk olur