Padişaha aşkını hem-hâne kıl

Padişaha aşkını hem-hâne kıl

Mâsivâ-yı aşkına bî-gâne kıl

Zikr ü fikrinle beni pür-nûr edip

Mest ü medhûş eyleyip divâne kıl

Benliğimdir senden ayıran beni

Varlığım şehrini yık virâne kıl

Mürg-ı rûhun meylini kes gayrıdan

Şol cemâlin şem'ine pervâne kıl

Gönlümü mir'ât-ı vech-i zât edip

Ol tecelliyle beni mestâne kıl

Cezbe-i feyzin şarâbın doldurup

Bu Niyâzî bendeni meyhâne kıl