Oldum çü mahv-ı mahz-ı zât buldum vücûdumdan necât

Ben içmişem âb-ı hayât ermez bana hergiz memât

Ben dost yolunda varımı terk eyledim önden sona

Küfr ile imândan geçip ayânda bulmuşam sebât

Her kanda baksam görünür gözlerime sırr-ı ezel

Her şey ulaşıp hakkına çıkdı aradan kâ'inât

Dost ile ben dost olalı zevk ile işret bulalı

Dayf-ı mükerremdir bu cân hep yediğim kand ü nebât

Halvetden etdim rıhleti kesretde buldum vahdeti

Bâzârda düzdüm halveti rûz u şebim ıyd u berât

Gördüm bu âlemler kamu benim vücûdumla dolu

Bir olmuş uçmağ u tamu cümle bana olmuş sıfât

Her ne yana kim eğilem ol yana herşey eğilir

Olmuş Niyâzî hep senin sâyelerin sitti cihât

Son Yazılar