Oldukça dilden âteş-i âhım zebânekeş

Oldukça dilden âteş-i âhım zebânekeş

Bir şem-i bîfürûga döner gûyîyâ güneş

Nevrûz erişti başladı nerd oynamağa çarh

Hasmâne rûz u şeb nola ger atsalar düşeş

Hâlin acep mi olsa izârında dilfirîb

Rûm’a düşünce kâbil olur merdüm-i Habeş

Âşık surâhî gibi eder varını nisâr

Dilber güşâde meşreb olunca piyâleveş

Dil küştîgîr-i arsa-i nazm oldu Nefî’yâ

Tutsun anınla kuvvet-i tabı olan güreş