Ol menem kim vâkıf-ı esrâr-ı ilm-i Âdemem

Kâşif-i genc-i hakîkat hem hayât-i âlemem

Bende mahfî oldu gaybu'l-gaybın esrârı hemîn

Bendedir sırr-ı emânet ana kenz-i mübhemem

Ben cemâl-i Hakk'ı cümle şeyde zâhir görmüşem

Bu merâyâya anınçün bakdığımca hurremem

Her sözüm miftâh-ı kufl-ı ''küntü kenz'' olmuş durur

Hem dem-i Îsâ ile her bir nefesde mahremem

Cümle mevcûdâtı verdim ben vücûd-ı vâhide

Zât u esmâ vü sıfât ile ki hâlâ yek-demem

Yerde gökde her ne kim var bağlıdır başı bana

Âşikâre vü nihâne ben tılısm-ı a'zamam

Ben o Mısriyem vücûdum şehrine şâh olmuşam

Hâdisem gerçi velî ma'nâda sırr-ı akdemem

Son Yazılar