O şâhın iki kolum bend edüp miyânesine

Piyâde-i emelim çıkdı ferz hânesine

Nesîc-i fitneye nakş olmak ister ol tannâz

Aceb mi zülfünü peyveste etse şânesine

Bakup o şûh ile nâz ü niyâz meşk ederiz

Gülün tebessümüne bülbülün terânesine

Benim cünûnuma bilmem ne bahâne bulur

Bakan perî-veşimin hüsn-i bî-bahânesine

Fezâ-yı sînede bir yavru besledim âhır

Konuşdu eller ile gelmez âşiyânesine

Hemîşe ayrılamaz zülfü gird-i hâlinden

Meger şikâr imiş ol dâm dahı dânesine

Kadeh duʿâsını gör de mukayyed olma Nedîm

Hikâyet-i Key ü Cemşîde Cem fesânesine

Son Yazılar