O zâlimde yine dil-dâde-küşlükden nişân vardır

Görürsün hançer-i ebrûsunun nevkinde kan vardır

Ser-â-pâ şöyle pürdür nâz u îmâ vü işâretden

Sanırsın her ser-i mûyunda çeşm ü ebrûvân vardır

Dimâğım tutdu bûy-ı sünbül âgûşumda döndükçe

Meger kim dûşunun üstünde bir sünbül-sitân vardır

Amân sabr u karârım eyledi yağma o kâfirde

Kırık bir ter-zebân ber-ceste nutk-ı bî-amân vardır

Nigâhın ebrûvânın görmeden evvel inanmazdım

Ki derler nâzdan hançer tegâfülden kemân vardır

Meger fevvâreden âb-ı letâfet sıçramış çıkmış

O rütbe kâmet-i ber-cesten ey şûh-ı cihân vardır

Aceb kim nermdir sînen a zâlim neyleyim ammâ

İçinde senge benzer bir dil-i nâ-mihribân vardır

Nedîmâ hançer-i hun-rîzine sarılmadım derse

Açup gör kim kef-i destinde zahm-ı hun-çekan vardır

Nedîm

Son Yazılar