O tıflı gör ne kıyâmet nigâr olur giderek

Hırâmı düşmen-i sabr u karâr olur giderek

Koyun şarâb-ı mahabbetle kendüden gitsin

Zamân gelir bu gönül hûş-yâr olur giderek

Tarîk-ı aşkda pâ-mâl-i sâlikân ol kim

Bir iki nakş-ı kadem reh-güzâr olur giderek

Hayâl-i serv-i kadinle kalır giderse bu eşk

Fezâ-yı sînede bir cûybâr olur giderek

Geçen bu duzah-ı endûhdan selâmetle

Behişte her kademinde düçâr olur giderek

Olursa pey-rev o çâpük-süvâr-ı nazma Nedîm

Semend-i tabʿı aceb râhvâr olur giderek

Son Yazılar