O düzd-i gamze tutdu işte sad çâk etdi dâmânım

Amân ey çeşm-i gîrâ bâri sen koyver girîbânım

Ne hâlet var o şûhun nahl-i kadd-i cân-fezâsında

Ki reftârın görüp yoldan döner ömr-i şitâbânım

Hayâl etdikçe rûyun tâ seher ol dâmen-i zülfe

Sarıldı rîşe-i reyhan gibi hâb-ı perîşânım

Görüp ellerle mey nûş etdiğin lâyık mıdır zâlim

Ola sîh-i kebâb-ı laht-ı dil her nevk-i müjgânım

Nedîmâ şiʿrimi tertîb ederdim korkarım ammâ

Yaka nazmımdaki sûz u güdâz evrâk-ı dîvânım

Son Yazılar