Nâz ederse gamzesi uşşâk-ı zâra nâz eder

Nâz ederse gamzesi uşşâk-ı zâra nâz eder

Zülfü bir âşüftedir ki rûzgâra nâz eder

Böyle şûha mübtelâ olmak ne güç âşık değil

Bulsa cümle dilberân-ı şîvekâra nâz eder

Çeşmi gâhî mest olur ruhsat verir nezzâreye

Durmaz ammâ gamze ol ahd ü karâra nâz eder

Dehre mağrûr olma ey gâfil ki bunda âdeme

Tâlii yüz döndürür gâhî sitâra nâz eder

Görmedim Nefî gibi bir rind-i âlî meşrebi

Hem gedâ hem pâdişâh-ı kâmkâra nâz eder

Nef'î