Nâm u nişâne kalmadı fasl-ı bahârdan

Nâm u nişâne kalmadı fasl-ı bahârdan

Düşdi çemende berg-i dıraht itibârdan

Eşcâr-ı bâg hırka-i tecrîde girdiler

Bâd-ı hazân çemende el aldı çenârdan

Her yañadan ayagına altun akup gelür

Eşcâr-ı bâg himmet umar cüy-bârdan

Sahn-ı çemende turma salınsun sabâ ile

Âzâdedür nihâl bu gün berg ü bârdan

Bâkî çemende hayli perişan imiş varak

Beñzer ki bir şikâyeti var rüzgârdan