Niçin şâh-ı nihâl-i gülde bülbül âşyân eyler

Bu günler hod muhabbet ehli terk-i Hânümân eyler

Nola bu demde âşık mest ü dilber mey perest olsa

Bu bir demdir ki hep şâh u gedâyı kâmrân eyler

Hoşa feyz-i ferahbahş-ı nesîm-i subh-ı cânperver

Ki hem gam mürdesin ihyâ kılar hem şâdmân eyler

Benefşe kâmet-i ham-geşte arz etmek temâşâdır

Bu faslın hükmü hod pîr-i dütâyı nevcevân eyler

Serâpâ nergis encüm gül mehi tâbâne dönmüşdür

Bahârın sunını gör ki zemîni âsumân eyler

Müzeyyen reng ü bûy ile dil-i Nefî gibi gülşen

Meğer ol cân-ı âlem gâhî geşt-i gülsitân eyler

Nef'î

Son Yazılar