Nikâb-ı gonceden arz-ı cemâl itdi gül-i ra`nâ

Bir a`lâ perdeden sen de görin ey bülbül-i şeydâ

Yakın itdi felek eyyâm-ı şekke rûz-ı nev-rûzı

Bu takrîb ile birkaç gün temâşâgâh olur sahrâ

Tutar bî-bâk gül destinde sâgar bezm-i ayş eyler

Ider feryâd-ı mestân bülbül-i şûrîde bî-pervâ

Letâfetle açar gögsin çözer gûy-ı girîbânın

Gül-i ra`nânun ohşar sînesin mihr-i cihân-ârâ

Bulaydum câme-hâbında açaydum lutf ile anı

Gireydüm koynına ol goncenün Yahyâ nesîm-âsâ

Son Yazılar