Nigâhı âfet-i dîn gamzesi âşûb-ı dünyâdır

Bu gûne şûha dil vermek aceb derd özge sevdâdır

Gönül âşüfte yâr âlüfte çeşm-i baht ise hufte

Aceb âşık aceb dilber aceb olmaz temennâdır

Nice keşf eylesün dil râzını ol gamze-i şûha

Ki kat kat perdede pinhân iken bu mest-i rüsvâdır

Demek güç saklamak güç gamzeden hâl-i dil-i zârı

Belâ-yı ehl-i aşk gör ne derd-i hayretefzâdır

Belâenderbelâdur dilde derd-i aşk-ı yâr ammâ

Yazıklar kimse kim bir böyle sevdâdan müberrâdır

Nihânî bir nigehde çeşmi bin fitne eder peydâ

Anunçün şehr-i dârülmülk-i dil pür şûr u kavgâdır

Tahammül hîç mümkün mü gam-ı hicrâna ey Nefî

Muhabbet gâlib-i mutlak dil ise nâşikîbâdır

Nef'î

Son Yazılar