Nigâh et âşık-âzârî-i çarh-ı bî-günâh-gîre

Ki çekmiş bîdi Mecnûn gibi tarf-ı cûda zencîre

Dili hem-çün ketân fersûde etdi bir siyeh-çerde

Ki taʿn eyler beyâz-ı gerdeni meh-tâb-ı Keşmîre

Gören ebrûlar üzre pîçişin ol kâkül-i zerdin

Sanır zer-hall ile âyet yazılmış rûy-ı şemşîre

Hemân âşık tehî mînâ-yı çeşmin eyler âmâde

Perî-zâd-ı hayâl-i dil-rübâ kâbil mi teshîre

Olur pes-mandegî elbet mukarrer hasr-ı matlabda

Ki bâʿis mübtedâyı maʿni-i hasr oldu te'hîre

Temâşâ eyleyelden gülşen-i hüsn-i dil-ârâsın

Nedîmâ çeşm-i ter hayretle döndü cûy-ı tasvîre

Son Yazılar