Nigeh-i gamze değil berk-ı cehân ancak bu

Nigeh-i gamze değil berk-ı cehân ancak bu

Âfet-i hırmen-i sâmân-ı cihân ancak bu

Der görüp cünbüşün ol kaddin ehâlî-yi çemen

Bâğda gördüğümüz serv-i çemân ancak bu

Vaʿde-i vasl değil râbıta-i şevk değil

Dil-i nâ-kâma hırâş ü halecân ancak bu

Dil değil tende ümîd-i çemen-i kûyun ile

Bir giriftâr-ı kafes murg-ı tapân ancak bu

Yine ser-levha-i mecmûʿa-yı iʿcâza Nedîm

Tâze tarh-ı kalem-i çîre-zebân ancak bu