Nice bir ey dil-i dîvâne sende derd ü gam tursun

Biraz da bâde-nûş ol da yanıñda câm-ı Cem tursun

Mey ü mahbûb ile sen bâg-ı ‘işretde safâ-yâb ol

Bu tarz-ı hâs ile meclisde sâkî muhteşem tursun

Şarâb-ı la‘liñi sun câ-be-câ ‘uşşâka ey sâkî

Göñüller neş’e-yâb olsun da agyâra elem tursun

Bu keyfiyyetle bezmi cennet-âsâ pür-ziyâ eyle

Getür sâkî mey-i nâbı ki zîrâ ben dimem tursun

Yine açdırma agzım sevdigiñ başı içün Leylâ

Seniñle beynimizde mâ-cerâyı söylemem tursun

Son Yazılar