Neylerem cân u cihânı baña Rahmânım gerek

Neylerem cân u cihânı baña Raḥmânım gerek

Tâ ezel ḳâlû belâda ‘ahd ü peymânım gerek

Bülbülem âh u fiġânımdan murâdım her nefes

Ol gülistânım bâġında nûr-ı Yezdânım gerek

Baḥr-ı muṭlaḳ ḳuşı idüm bunda pervâz eyledüm

Bu ḳanâdım açduġumdan baḥr-ı ‘ummânım gerek

Kimdür ol mâhıñ yolında var varından geçmeyen

Cân fedâ olsun yolında baña cânânım gerek

Aḳl u cân kevn ü mekânıñ terkini kâr eyledi

Varlıġından el çeküp dir sırr-ı Sübḥânım gerek

Bî-nişân u lâ-mekân iḳlîmine ḳıldum naẓar

Ġayrıdan yoḳdur murâdım yine seyrânım gerek

Aşḳa uydum Muṣṭafâ devrinde geldüm ‘âleme

Giderem âh-ı fırâḳım Şâh-ı kerbânım gerek

Ol ḥaḳâyıḳ iḳlîminde dürr-i bi-hemtâ idüm

Mevc-ile geldüm cihâna baña ol kânım gerek

Ol ṣafâ şehrinde her dem ‘ilm-i Ḥaḳ mihmânıyam

Ḳâl u ḳîl benden gerekmez ‘ilm ü ‘irfânım gerek

Pâdişâh-ı Lâ-yezâlıñ şem‘ine pervâneyem

Aşḳa fermân olduġumdan yine ol ḫânım gerek

Dir maḥabbet deñizinden nûş iderdüm ‘aḳl u cân

Bu Sinân Ümmî gerekmez baña erkânım gerek