Nev bâhar erdi hevâ gâliyesây oldu yine

Nefes-i bâd-ı sabâ nâfegüşây oldu yine

Tâze cân buldu cihân erdi nesîm-i nevrûz

Feyz-i enfâs-ı seher rûhfezây oldu yine

Başladı cilveye nâz ile arûsân-ı bahâr

Perdeden şâhid-i gül çehrenümây oldu yine

Açılıp gonca nola çâk-ı girîbân etse

Andelîbân-ı çemen nağmeserây oldu yine

Nice şûrîdelik el vermesin ehl-i aşka

Heves-i dilber ü mey hûşrübây oldu yine

Hâk-i mestâne gibi başladı keşf-i râza

Âb-ı dîvâne gibi silsilehây oldu yine

Feyz-i Rûhülkudüs’ü eyledi icrâ Nefî

Meryemâsâ kalemi nâdirezây oldu yine

Gün gibi başı göğe erse acep mi şimdi

Mazhar-ı âtıfet-i zıll-ı Hudây oldu yine

Hân Murâd ol şeh-i Cem câh-ı kerîmüşşân ki

Devr-i cûdunda cihân kâmrevây oldu yine

Son Yazılar