Nev-bahâr erişdi bî-dâr olayım şimdiden gerü

Andelîb-i bâğ-ı gül-zâr olayım şimden gerü

Dünyâ vü ukbâ hevâsından geçip abdâl-veş

Kâşif-i cilbend-i esrâr olayım şimden gerü

Çaluban Mansûr gibi tabl-ı ene'l-Hak nevbetin

Gireyim meydâna ber-dâr olayım şimden gerü

Dükeli dâr u diyârın raht u bahtın terk edip

İbni Edhem gibi deyyâr olayım şimden gerü

Dolanayım Hızır-veş âlem gözünden bir zamân

Mutlak olup sırr-ı Settâr olayım şimden gerü

Nice bir bu ten zemîninde karâr edip kalam

Çıkayım göklere devvâr olayım şimden gerü

bu izâfât u kuyûdât illerin edip harâb

Lâ-mekân ilinde seyyâr olayım şimden gerü

Mürg-i cânı bu kafesden uçurup şâd edeyim

Ol adem şehrine tayyâr olayım şimden gerü

Bir beden kaldı bana mansûb olan bunda hemân

Yok edip an dahi var olayım şimden gerü

Kalmasın varlıkda Mısrî'nin vücûdu zerrece

Kurtulayım vasl-ı dildâr olayım şimden gerü

Son Yazılar