Nedür bu handeler bu ‘işveler bu nâz u istignâ

Nedür bu handeler bu işveler bu nâz u istignâ

Nedür bu cilveler bu şîveler bu kâmet-i bâlâ

Nedür bu pîc pîc ü çîn çîn ü ham-be-ham kâkül

Nedür bu turralar bu halka halka zülf-i müşgâsâ

Nedür bu ‘ ârız u hadd ü nedür bu çeşm ü ebrûlar

Nedür bu hâl-i Hindûlar nedür bu habbetü’s-sevdâ

Miyânuñ rişte-i cân mı gümiş âyîne mi sîneñ

Bünâgûşuñla mengûşuñ gül ile jâledür gûyâ

Vefâ ummaz cefâdan yüz çevürmez Bâkî âşıkdur

Niyâz itmek aña cânâ yaraşur saña istingâ